居民擔心患癌欲搬走 (蘋果日報 23/2/2014)

通訊事務管理局過去三年共批出1.1萬個新基站，同時亦收到800宗有關基站的查詢及投訴個案，當中大部份涉及輻射事宜，但全部因「冇超標」而毋須拆除有關設施。

磁場如「200部手機圍住」
其中一名投訴者姜太住在馬鞍山欣安邨頂層單位，自其天台於去年安裝五支基站後，她便覺得寢食難安：「有人話輻射會引致腦癌，依家裝正我頭頂，好擔心輻射影響健康，所以成日失眠，返工精神恍惚，返到屋企又唔開心。」她腦海更經常出現輻射滲漏的影像，「覺得右邊個頭成日麻痹，覺得人生好絕望」。為此她多次向房署反映，但職員稱基站符合安全測試，「話同電訊商簽咗合同，冇得搬。早知佢會裝，我哋就唔搬入呢個單位」。

住在鰂魚涌新威園的徐太，對面大廈最少裝有八支基站，記者與李仕沖往測試，發現客廳的電磁場輻射讀數達1.8萬微瓦，徐太說：「我印尼嘅親戚屋企天台裝咗一隻鑊形天線，結果生喉癌，𠵱家我屋企測試有咁高輻射，都擔心生癌，會考慮搬走。」

徐太居於新威園單位，客廳對正最少八支基站。

住在旺角榮華大廈的鄧氏夫婦，房間亦對正八支基站，電磁場讀數達4,800微瓦。李仕沖說：「一部手機發出的電磁場約有20微瓦，鄧伯間房嘅電磁場相等於俾200部手機圍住。」鄧伯直言對面大廈安裝基站後，其兒子曾提出搬走：「佢話間房唔好瞓，我惟有叫佢搬入另一間房，住咗咁多年，都唔知搬去邊好。」

Link: http://hk.apple.nextmedia.com/news/art/20140223/18634848